Sabi nga nila “Kung ano ang puno ay siya din ang bunga”. Kaya naman walang duda na ang mga anak ng kilala nating mga artista ay kasing ganda o gwapo din ng kanilang mga magulang. Isa na nga dito ang mag-asawang Gary Estrada at Bernadette Allyson na parehong mga artista. Mayroon silang apat na anak at ang mga ito ay sina Kiko, Garielle Bernice, Gianna Bettina at Gabbi Beatrice.
Kamakailan lang ay naging guest ni Regine Velasquez sa kanyang show na “Sarap Diva” ng GMA7 ang isang anak nilang babae na si Garielle Bernice. Kilala si Bernice sa kanyang palayaw na “Icee” at isa sa kanyang mga kinagigiliwang gawin ay ang paglalaro ng softball. Sa katunayan nga ay ipinakita niya pa sa mga manonood ng show ni Regine kung paano siya humawak ng baseball bat. Dahil dito ay mas lalong dumami ang nakakilala sa dalaga at ikinatuwa ng mga netizens ang kanyang magandang mukha na pinaghalong mukha ng kanyang ama na si Gary at inang si Bernadette.
Ayon sa isang interview, mas malapit di umano si Icee sa kanyang amang si Gary at kasama niya ito sa kanyang mga laro. Sabi nga ni Gary, halos nakuha daw ni Icee ang karamihan sa kanyang mga katangian.
c
Noong nakaraang buwan naman ng Marso ay nagtapos ng Grade 10 si Icee sa Saint Pedro Poveda College. Sa moving na ito ni Icee ay nagbahagi ulit ng mensahe online ang ama niya at sinabing “Garielle, I still remember the day you were born. I told myself whatever it takes to be a good father I’ll do it. Garielle! Papa is getting scared now. ‘Cause you are growing so fast. Icee always remember that Mommy and Papa will always love you.”
Ano ang masasabi mo tungkol kay Icee?
