Anak ni Ruffa Gutierrez na si Lorin, Sinagot ang Isang Netizen Matapos Punain ang Suot Nitong Swimsuit

Sa kulturang Pilipino ay inaasahan ang mga kababaihan na magdamit ng maayos kagaya na lamang ng mga sinaunang dalagang Pilipina na mahahaba ang manggas ng damit at palda na hanggang tuhod o talampakan ang haba. Ngunit dahil na rin sa paglipas ng panahon at impuwensiya ng ibang kultura, nagiging mas komportable na ang mga kababaihan na isuot ang mga damit na nais nila anuman ang disenyo o haba at ikli ng mga ito. Ganito ang kinalakihan at nakasanayan ng anak ni Ruffa Gutierrez na si Lorin.

Sa kasalukuyan ay 15 taong gulang na ito at ayon sa dalaga ay ni minsan hindi siya pinagbawalan ng kaniyang ina o ng kaniyang lola sa kung anong klaseng damit ang nais nyang suotin kaya naman mas lalo itong naging kumpiyansa sa sarili.

Makikita sa mga Instagram post ni Lorin ang iba’t ibang paraan ng kaniyang pananamit na siya namang hinahangaan ng kaniyang mga followers. Kagaya kasi ng kaniyang ina na si Ruffa ay matangkad din ang dalaga at may balingkinitang pangangatawan kaya nagmumukha siyang modelo sa tuwing ibinabahagi ang kaniyang mga outfit of the day (OOTD) sa kaniyang social media account.

Kamakailan nga ay makikita sa Instagram post ni Lorin ang two piece sexy outfit niya habang nagbabakasyon sa Thailand at hindi maiwasan ng publiko na magulat dahil ang dating maliit na batang si Lorin ay dalaga na ngayon.

Maraming netizen ang hindi mapigilang purihin ang dalaga sa angkin nitong ganda ngunit hindi rin maiiwasan na may ilang mag-komento patungkol sa paraan ng kaniyang pananamit at ito ang isa sa kanila:

“Itago mo yang katawan mo iha. Dapat may pinaglalaanan yan na special na tao. Wag mong ipagkalandakan.”,komento ng isang netizen sa sexy post ng dalaga.

Hindi pinalagpas ni Lorin na sagutin ang naturang komento at ginawa niya ito upang malaman rin ng iba pa niyang followers ang patungkol sa pagkakaroon ng kalayaan ng mga kababaihan kung ano ang gusto nilang suotin at gawin sa sarili nilang katawan.

“Girls should be able to choose whether they want to be more conservative or showy depending on what they feel comfortable with. Not for a ‘special na tao’ because that special person, whoever they may be, doesn’t own me and should be ok with me being confident in my own skin.”,sagot ng dalaga sa komento ng isang netizen.

Ikinatuwa naman ng mga netizens ang sagot ng dalaga dahil naging boses ito ng mga kababaihan patungkol sa usapin kung paano sila dapat manamit.